Certificados electrónicos e validación

Certificados de autenticación de sitio web (Sede electrónica)

De acordo co artigo 38.6 da Lei 40/2015, de Réxime Xurídico do Sector Público, o acceso á Sede electrónica realízase mediante un certificado de sede. Este certificado garante que a relación coa cidadanía se produce a través dun canal seguro e unha oficina pública recoñecida, evitando intrusións malintencionadas de terceiros.

Para comprobar a validez do certificado desta Administración pode empregar o servizo VALIDe do Ministerio da Presidencia.

Verificar o certificado da Sede en VALIDe

1. Acceda á opción «Validar Sede electrónica».
2. Introduza o enderezo da nosa Sede.
3. Escriba o código de seguridade mostrado.
4. Prema no botón «Validar».

VALIDe – Validación de certificados e sinaturas

Certificados de selo electrónico

Para a identificación e autenticación do exercicio da competencia na actuación administrativa automatizada, as Administracións Públicas poden empregar selos electrónicos baseados en certificados que cumpren os requisitos da lexislación de sinatura electrónica.

Un certificado de selo electrónico vincula datos de verificación de sinatura aos datos identificativos e de autenticación dunha Administración, organismo ou entidade, así como á persoa física representante titular do certificado e, de ser o caso, ao persoal en quen se delegue para actuacións administrativas automatizadas.

Nos procedementos automatizados xestionados por esta Administración, o certificado de selo do Órgano pode vir incrustado no PDF xerado automaticamente desde a Sede electrónica. Para verificar a súa validez, pode usar VALIDe.

Verificar un certificado de selo en VALIDe

1. Seleccione a opción «Validar certificado».
2. Escolla o certificado descargado previamente (ou o PDF asinado que o conteña).
3. Introduza o código de seguridade que se amosa.
4. Prema en «Validar».

VALIDe – Validación de certificados e sinaturas