GAGalego ESCastelán
Identifícate
Inicio > Sede electrónica > Protección de datos
VOLTAR

Normativa relativa á protección de datos persoais

Responsable do tratamento dos seus datos persoais

  • Responsable: Concello de Santiago de Compostela
  • Identidade: L01150780
  • Enderezo Postal: Pazo de Raxoi. Praza do Obradoiro 15705 Santiago de Compostela (A Coruña)
  • Teléfono: 981 542 300 (Centro de Atención Telefónica)
  • Correo electrónico: informacion@santiagodecompostela.gal

Delegado de Protección de Datos

Con que finalidade tratamos os seus datos?

Nesta Entidade tratamos a información obtida coa finalidade de poder tramitar os expedientes administrativos e as actuacións derivadas deles.

Durante canto tempo conservaremos os seus datos?

Almacenamos os datos durante o tempo necesario para cumprir coas obrigas legais que encomenda a normativa administrativa, e sempre, cumprindo polo menos co tempo mínimo de conservación da información. De conformidade co artigo 26 da Lei Orgánica 3/2018, do 5 de decembro, de Protección de Datos Persoais e garantía dos dereitos dixitais (LOPDGDD), será lícito o tratamento por esta Entidade dos datos con fins de arquivo en interese público, sempre cumprindo coa normativa vixente de arquivos e documentación.

Existencia de decisións automatizadas?

Esta Entidade pode tomar decisións automatizadas baseadas na cobertura legal que lle outorga o artigo 41 da Lei 40/2015, do 1 de outubro, de Réxime Xurídico do Sector Público. Sería calquera acto ou actuación realizada integramente a través de medios electrónicos no marco dun procedemento administrativo e na que non interviñese directamente unha persoa.

Debe regularse a toma de decisións automatizadas nunha normativa propia, definindo nela as especificacións, programación, mantemento, supervisión e control de calidade. Dita normativa estará á disposición da cidadanía na Sede electrónica desta Entidade.

Cal é a lexitimación para o tratamento dos seus datos persoais?

A base legal para o tratamento dos seus datos é o cumprimento dunha misión realizada en interese público ou no exercicio de poderes públicos, de conformidade coa Lei 39/2015, do 1 de outubro, de Procedemento Administrativo Común.

Cales son os seus dereitos en relación cos datos facilitados?

Calquera persoa ten dereito a obter información sobre se nesta Entidade se están tratando os seus datos persoais ou non.

As persoas interesadas teñen dereito a acceder aos seus datos persoais, ao prazo de conservación dos mesmos e mesmo a obter unha copia dos datos obxecto do tratamento.

Así mesmo, teñen dereito á rectificación dos datos se son inexactos (por exemplo, solicitar unha corrección do domicilio, un cambio de nome, etc.).

Os interesados teñen dereito á limitación do tratamento; para iso deberán solicitalo ao responsable, que deberá suspender o tratamento cando se solicite a rectificación ou supresión dos datos ata que se resolva.

Os interesados poderán exercer o dereito de supresión (dereito ao esquecemento) sempre que se dean as circunstancias enumeradas no Regulamento (UE) 2016/679 (RGPD) e segundo o regulado no artigo 15 da LOPDGDD.

A persoa afectada pode exercer o dereito de oposición ao tratamento, sempre por motivos relacionados coa súa situación persoal, salvo que se acredite un interese lexítimo, ou sexa necesario para o exercicio ou defensa de reclamacións, así como en tratamentos con fins de mercadotecnia directa.

O interesado terá dereito á portabilidade: a obter os datos nun formato estruturado, de uso común e de lectura mecánica, e a transmitilos a outro responsable cando o tratamento estea baseado no consentimento ou se efectúe por medios automatizados.

Os interesados poderán exercer os dereitos enumerados a través dos formularios dispoñibles na Sede electrónica desta entidade ou remitindo un escrito por correo postal.