Proxecto de equidistribución

Descrición

No ámbito dos polígonos suxeitos a actuacións de transformación urbanística ou de renovación urbana, executar o planeamento esixe a aprobación do proxecto de equidistribución, cos seguintes efectos:

- Agrupación instrumental de todas as parcelas afectadas (parcelas iniciais ou de orixe) para a súa nova división axustada ao planeamento e a creación de novas parcelas de resultado.

- Adxudicación das parcelas de resultado con aproveitamento lucrativo ás persoas propietarias das parcelas de orixe en proporción á respectiva superficie achegada: fixación das compensacións en metálico que procedan por diferenzas de adxudicación, incluída, se é o caso, a indemnización en metálico para substituír a adxudicación de parcelas.

- Adxudicación ao Concello das parcelas de resultado nas que se concentre a cesión obrigatoria de aproveitamento, así como as parcelas destinadas polo plan a usos dotacionais públicos (rede viaria, zonas verdes, equipamentos, infraestruturas e servizos).

- Subrogación real das parcelas de orixe polas correspondentes de resultado, ou, de ser o caso, pola correspondente indemnización económica.

- Afectación das parcelas de resultado con aproveitamento lucrativo –que no procedan da cesión obrigatoria de aproveitamento- aos gastos precisos para efectuar a completa transformación urbanística do polígono.

Persoas lexitimadas

O interesado, directamente ou a través de representante . As persoas lexitimadas para solicitalo son:

- No sistema de concerto: 100% da propiedade

- No sistema de cooperación: 25% da propiedade

- No sistema de compensación: a xunta de compensación ou, se esta non está aínda constituída, o 50% da propiedade (neste segundo caso, a aprobación definitiva quedará condicionada á constitución da xunta de compensación)

Prazos de presentación

En calquera momento.

 

Lugar de presentación

Acuda á oficina en materia de rexistro que corresponda segundo a unidade tramitadora coa documentación esixida para realizar o trámite.

Unidade xestora

Xestión Urbanística

Prazos de resolución

3 meses tanto para as resolucións inicial como a definitiva 1 mes para o sistema de concerto no caso da resolución definitiva

Efecto do silencio Administrativo

Estimatorio

Recursos

Consulte os recursos aplicables

 

Normativa reguladora

Estatal:

Lei 39/2015, do 1 de outubro, do Procedemento administrativo común das administracións públicas.

Lei 40/2015, do 1 de outubro, de Réxime Xurídico do Sector Público.

RD Lexislativo 7/2015, do 30 de outubro, polo que se aproba o texto refundido da Lei do Solo e Rehabilitación Urbana.

Lei do 16 de decembro de 1954 sobre expropiación forzosa e o seu Regulamento

Autonómica:

Lei 2/2016, do 10 de febreiro, do Solo de Galicia e o seu regulamento de desenvolvemento

Lei 1/2019, do 22 de abril, de rehabilitación e de rexeneración urbanas de Galicia.

 

Información adicional

Información sobre protección de datos

Documentación relacionada

Declaración responsable presentación de documentos de Xestión urbanística

Nivel de identificación de quen o solicita

Substancial:

Acceso mediante sistema Cl@ve

Documentación a achegar

Documentación requirida

Certificado

Certificación de dominio e cargas das parcelas afectadas (coa anotación de inicio do procedemento de equidistribución)

Declaración responsable de presentación do proxecto de equidistribución

No caso de actuación polo sistema de concerto

Certificado aprobación

Certificación que acredite a sua aprobación pola Entidade ou sociedade constituida ao efecto

No caso de Xunta de Compensación

Acordo inicial

Acordo de aprobación inicial do proxecto

Acreditación expropiación

Acreditación da expropiación ou ocupación dos terreos non incorporados (de ser o caso)

Documentación de representación

Documento de identidade de representacion

Acreditación da representación

• Tramitación Online
  • Acceso con Autofirma
  • Acceso con Cl@ve
• Tramitación Presencial