Autorización de alta para pasaxe permanente ou laboral

Descrición

Obter autorización para que os vehículos crucen unha beirarrúa ou outros bens de dominio e uso público para poder acceder aos garaxes ou zonas de estacionamento privado e impedir o estacionamento ou parada doutros vehículos no espazo polo que se realiza o acceso.

Persoas lexitimadas

O interesado, directamente ou a través de representante

Prazos de presentación

En calquera momento.

 

Lugar de presentación

Acuda á oficina en materia de rexistro que corresponda segundo a unidade tramitadora coa documentación esixida para realizar o trámite

Unidade xestora

Circulación e Seguridade Cidadá

Prazos de resolución

3 meses.

Efecto do silencio Administrativo

Desestimatorio

Recursos

Potestativo de reposición ou contencioso- administrativo

 

Normativa reguladora

Estatal:

Lei 39/2015, do 1 de outubro, do procedemento administrativo común das administración públicas

Lei 40/2015, do 1 de outubro de réxime xurídico do sector público

Lei 33/2003 do 3 de novembro, do patrimonio das administracións públicas

Municipal:

Ordenanza reguladora de actividades, instalacións e ocupacións da vía pública do Concello de Santiago de Compostela

Taxa asociada á tramitación

Ordenanza 3.24 Taxa pola utilización privativa e aproveitamento especial do dominio público municipal

Información adicional

Información sobre protección de datos

Se a autorización de paso implica a necesidade de facer obras, esixirase unha garantía para responder do custo de reparación da beirarrúa, da calzada ou dos equipamentos municipais, segundo as indicacións dos servizos técnicos municipais. Ao seu remate comunicaráselle ao Concello presentando o correspondente certificado de final de obra. No caso de pasaxes laborais o horario laboral establécese, con carácter xeral de 9,30 a 20,30 horas, con excepción de domingos e festivos, se ben na autorización poderá especificarse un horario diferente en caso de non poder adaptarse ao establecido. En calquera caso o horario autorizado deberá constar no correspondente sinal. Formulario de solicitude, modelo M09

Documentación relacionada

Solicitude MO001

Nivel de identificación de quen o solicita

Substancial:

Acceso mediante sistema Cl@ve

Documentación a achegar

Documentación requirida

Solicitude

Título de propiedade do inmoble

Título de propiedade do inmoble ao que se dá acceso ou calquera outro que acredite a lexítima ocupación deste e, en todo caso, os datos de identificación da persoa propietaria.

Memoria descritiva

Memoria descritiva e xustificativa da necesidade da pasaxe na que se indicarán tamén os materiais que se van utilizar nas obras, con expresión da súa dimensión e calidades, así como das medidas de sinalización e balizamento que se van adoptar durante a súa realización.

Plano de situación

Plano de situación en cartografía municipal.

Plano a escala 1:50 da fachada do inmoble

Plano a escala 1:50 da fachada do inmoble con acoutamento expreso do pavimento respecto da beirarrúa, zona de carga e descarga, ancho da beirarrúa, ancho de acceso ao terreo e ancho do paso. Sinalarase, ademais, a existencia de calquera elemento na beirarrúa (árbores, plantacións, postes de iluminación, bancos, sinais de tráfico etc.)

Licenza de obra

Licenza de obras e de primeira ocupación do edificio ou datos de identificación do promotor e da data de execución da edificación.

Autorización de modificación de uso, cando non require obra

Autorización de modificación de uso, cando non require obra.

Orzamento de execución material, no caso de execución de obra.

Xustificante da autoliquidación da taxa correspondente

Xustificante da autoliquidación da taxa correspondente.

Documentación de representación

Documento de identidade de representacion

Acreditación da representación

• Tramitación Online
  • Acceso con Autofirma
  • Acceso con Cl@ve
• Tramitación Presencial